Ümumtəhsil məktəblərində şagird nailiyyətlərinin summativ qiymətləndirilməsi üzrə işin elmi-pedaqoji əsasları

Abstract

Şagird nailiyyətlərinin summativ qiymətləndirilməsində məqsəd yalnız təhsilalanların bilik səviyyəsini ölçmək deyil, eyni zamanda tə-limdə geriqalmaların səbəblərinin aydınlaşdırmaq, onun əsasında mək-təblilərin gələcək təlim fəaliyyətlərini proqnozlaşdırmaqdan ibarətdir. Summativ qiymətləndirmə prosesinin müxtəlif iştirakçılarını fərqli məlumatlar maraqlandırır. Bu, summativ qiymətləndirmənin nəticələrindən hansı məqsədlər üçün istifadə olunacağından ibarətdir. Məsələn, şagirdlər öz nəticələrini digər sinif yoldaşları ilə müqayisə etmək, həmçinin bilik və bacarığındakı çatışmazlıqları aşkar etmək üçün öyrənirlər. Məzunlar gələcək təhsil yollarını müəyyənləşdirmək üçün digər yoldaşları ilə müqayisədə öz nailiyyətlərini qiymətlən-dirirlər. Müəllimlər bu məlumatlardan dərs dediyi sinifdəki şagirdlərin inkişafındakı boşluqların nizama salınmasında istifadə edirlər. Summativ qiymətləndirmənin nəticələrinə əsasən müəllim və məktəb rəhbərliyi təlim prosesində şagirdlərə fərdi yanaşmanın təmin olunmasına, hansı şagirdə tədris materiallarının təkrar aydınlaşdırıl-masına ehtiyacın yarandığını üzə çıxarır.