Tələbələrin yuxarı sinif şagirdlərində sağlam həyat tərzinin formalaşdırılması üzrə təlim-tərbiyə işinə hazırlanması

Abstract

X-XI sinif şagirdlərinin sağlamlığının mühafizəsi və möhkəmləndirilməsi problemi cəmiyyətin qarşısında duran çox ümdə sosial, tibbi-bioloji, iqtisadi və siyasi vəzifələrdən biridir. Şagirdlərin təlim və tərbiyəsinin müvəffəqiyyəti, onların əsasən sağlamlıq vəziyyətindən, bədənin funksional və uyğunlaşma imkanlarından son dərəcə asılıdır. Böyüyən nəslin sağlamlığı cəmiyyətin inkişaf səviyyəsinin çox böyük sosial əhəmiyyətli ictimai göstəricilərindən biri hesab edilir. Yuxarı sinif şagirdləri ilə sistemli, məqsədyönlü və fasiləsiz iş onlarda sağlamlıq mədəniyyətinin və sağlam həyat tərzi imicinin formalaşmasına öz köməyini göstərir. Bəzi uşaqların sağlamlığına bir sıra mənfi amillərin təsiri vardır: ekoloji vəziyyətin pisləşməsi, ekoloji böhran, normal qidalanmanın olmaması, təmiz qidaya, təmiz havaya, təmiz suya ehtiyac amili, ailənin maddi vəziyyətində və təhsil potensialında mənfi dəyişikliklər, gigiyena tələblərinin gözlənilməməsi, hərəkətsizlik və s. Sağlam həyat tərzinin təbliği, pis vərdişlərə aludəçiliyin (hərəkətsizlik, kökəlməyə meyllik, siqaret çəkmə, alkoqolizm, tənbəllik, narkomaniya) qarşısının alınması, bədən tərbiyəsi və idmanın təbliği, həmçinin sağlam həyat tərzinə dair vaxtaşırı nəzəri bilik və inancların inkişaf etdirilməsi üzrə maarifləndirici iş görülməli, təlim prosesinin, sinifdənxaric və məktəbdənkənar tədbirləırin ayrı-ayrı fənlər üzrə mövzuların tərbiyələndirici, tərbiyələndirici və inkişafetdirici imkanlarından maksimum faydalanmaq lazımdır.