Ali Pedaqoji Təhsil Müəssisələrinin İdarə Olunmasinda Məlumat Bazasindan İstifadə Üzrə İşin Sistemi

Abstract

Ali pedaqoji təhsil müəssisəsinin idarə edilməsinin pedaqoji problemləri araşdırılmaqla rəqəmsal dünyada informasiya cəmiyyətinin tələbinə uyğun ali pedaqoji təhsil müəssisəsinin idarə edilməsinin prinsipləri müəyyənləşdirilir. İdarəetmənin imkan və yolları vasitəsilə informasiyalarla idarəetmə sistemi tədqiq edilir.Tədqiqatın praktik əhəmiyyəti ondan ibarətdir ki, onun nəticələri aşağıdakı istiqamətlərdə ali təhsilin idarəedilməsinə dəstək olacaqdır: 1) ali pedaqoji təhsil müəssisəsində informasiya texnologiya-larının tətbiqi ilə məlumat bazasından istifadə sistemi təkimilləşəcək; 2) təhsil müəssisəsinin idarəedilməsində məsuliyyət və hesabatlılıq təmin ediləcək; 3) müəssisənin idarəedilməsində keyfiyyət və rəqabətlilik artacaq; 4) tədris prosesində informasiya texnologiya əsaslı innovasiyalardan istifadə olunacaq; 5) informasiya texnologiyalari ilə idarəetmə nəticəsində dünya informasiya təhsil məkanına inteqrasiya mümkün olacaq; 6) təhsil müəssisəsinin fövqəladə hallarda (pandemiya, epidemiya, müharibə və s.) idarəedilməsi daha da asanlaşacaq.