Çağdaş nəsrdə Qarabağ diskursu

Abstract

Zaman keçdikcə Qarabağda və onun ətrafında baş vermiş hadisələr bütün mahiyyəti ilə dərk olunur, bu da öz növbəsində ədəbiyyatda yaradıcılıq axtarışlarının güclənməsinə, hadisələrin müxtəlif baxış bucağından geniş təsvirinə təkan verir. Məqalədə görkəmli təhsil qurucusu, şair, yazıçı-publisist Hamlet İsaxanlının “Mənim Qarabağım və ya Qarabağ düyünü” əsəri sənədi nəsrin orijinal nümunəsi kimi təhillə cəlb olunur. Məqalədə sənədli nəsrin bədii ədəbiyyatın bir növü kimi cəmiyyətin ictimai-siyasi həyatında baş verən tarixi prosesləri, mövcud problemləri real faktlara əsaslanaraq təcəssüm etdiyi qeyd olunur. H.İsaxanlının əsərində sənədli nəsrin yazı texnikasından –özünəistinad mexanizmlərindən istifadə edildiyi, hər hansı tarixi hadisəni xatırlayarkən, onu müəyyən bir semantik kontekstdə yerləşdirdiyi konkret nümunələr əsasında təsbit olunur. Məqalədə, həmçinin, sənədli nəsrin bədii nəsr üçün qaynaq, mənbə rolu oynadığı da qeyd olunur. Məqalədə “Mənim Qarabağım və ya Qarabağ düyünü” əsərinin Azərbaycan nəsrinə yeni poetik-publisistik intonasiya gətirdiyi, sənədli nəsrin inkişafına təkan verdiyi vurğulanır.