Əlilliyi olan uşaqlara sahib olan ailələrin stress səviyyələri və onlarla baş etmə yolları

Abstract

Əlilliyi olan uşaqlar sadəcə onların ailələri üçün deyil, cəmiyyət üçün də önəmlidir. Əlilliyi olan uşaqlara sahib ailələr digər ailələrə nisbətən daha çox problemlərlə üzləşirlər. Buna görə də, psixoloji dəstək sadəcə əlilliyi olan uşaqlara deyil, həm də onların ailələrinə göstərilməlidir. Bu nöqteyi-nəzərdən tezisin mövzusu həm nəzəri, həm də praktiki baxımdan əhəmiyyətlidir. Dissertasiya giriş, 3 fəsil, nəticə, ədəbiyyat siyahısı və əlavələrdən ibarətdir.Giriş hissəsində tədqiqatın aktuallığı və vəzifələri, məqsədləri, obyekti və subyekti, fərziyyələr, metodlar və tədqiqatın yeniliyi vurğulanmışdır. Əlilliyin psixoloji mahiyyəti, onun tipləri, stress yaradan səbəblər, əlilliyi olan uşaqlara sahib valideynlərin stress səviyyələri və onların stresslə baş etmə mexanizmləri birinci fəsildə izah olunmuşdur və bu fəsil "Əlilliyi olan uşaqlara sahib olan ailələrin problemlərinin tədqiqi" adlanır. Dissertasiyanın II fəslində, ailələrin psixi durumuna, onlara göstərilən psixoloji dəstəyə, ailələrin uşaqlara göstərdiyi davranış tərzinə, ailələrin məsuliyyətlərinə və əlilliyi olan uşaqların ailələri tərəfindən qəbul/rəddinə xüsusi diqqət yetirilmişdir. dissertasiyanın III fəsli "Tədqiqatın təşkili, keçirilməsi və alınmış nəticələrin təhlili" adlanır və eksperimental xarakter daşıyır. Bu fəsildə işin məqsədi yönündə bir çox önəmli tədqiqatlar aparılmışdır. Beləliklə, bu dissertasiyada əlilliyi olan uşaqlara sahib ailələrin stress səviyyəsini və onların stresslə baş etmə mexanizmlərini problemin elmi təhlilinə nəzər salaraq öyrəndik.